《先知》观后感
琴晚电视冇乜节目睇，就同老豆讲我部电脑有部科幻悬疑片，佢就话一齐睇咯。。我又嫌部手提屏幕细喔，米折腾咗半日拆咗连接电脑显示器同主机果条乜乜线来连接我部手提同电视。。。哇哇。。因为部电视都算大，好鬼有家庭影院嘅感觉，就系费事插音响，纯粹靠手提个内置音响，所以冇乜音效，真系遗憾。。
《先知》系尼古拉斯.凯奇09年嘅大作，特效好好。。~！好震撼下。。电影讲述美国某小学喺1959年校庆上让学校每位小朋友画一副心目中嘅50年后地球嘅样，跟住放喺一个密闭容器度（片入边叫时间胶囊），埋入地下，五十年后挖翻出来。其中有个女仔lucinda喺张画纸度写咗好多好多数字，满满一页纸。五十年后，个时间胶囊被挖出来，小学生caleb摞咗lucinda嘅果张“画”翻屋企。caleb个老豆鬼死咁聪明咁发现张纸上所有数字同过去五十年内发生嘅中大灾难入边嘅日期，死亡人数，事发地点经纬度系一致嘅。。。剩翻3组数字，即系即将发生嘅灾难。。。于是，男主角caleb嘅老豆(尼古拉斯)就想去挽救张“画”中预示的世界末日。。。
部电影拍得好好，气氛好足，睇到我好肉紧，背景音乐营造出来嘅气氛好正。。不过睇完《2012》，再睇哩部《先知》，就会发现佢嘅世界末日真系比唔上《2012》咯，结尾虽然都系有新嘅希望（嘅寓意），但系好假，冇乜可能实现，我觉得《2012》个诺亚方舟比较有科学根据d。。嘻嘻
【《先知》观后感】相关文章：
3.观后感
4.观后感
5.观后感
6.观后感
7.《》观后感
8.观后感